7-11「新豬肉」便當 為素食者提供更多選擇

香港人愈來愈注重健康，有唔少人選擇素食。黛安收到風，由今日開始，大家可以喺7-Eleven買到OmniEat新膳食嘅各式素食喇，包括香辣泰式羅勒新豬肉飯、泰式新豬肉炒河，兩款都係方便又快捷嘅素食便當，限定試食價只係$30！

黛安聽公關姊妹介紹，香辣泰式羅勒新豬肉飯係由高蛋白質嘅純植物豬肉、蔬菜和泰國香米製成，係低脂、低飽和脂肪、無膽固醇嘅即食飯；泰式新豬肉炒河就含豐富鈣質和鐵質嘅芥蘭配搭新豬肉製成，係純正嘅泰式炒麵。

姊妹仲話，兩款食品都喺生產時採用先進技術處理「Flash Freezing」，可以確保食物天然味道、質感和水份得以保存，只要放入微波爐加熱後即可食用。

黛安已經去7-Eleven掃咗幾盒便當，放喺公司同屋企嘅雪櫃，隨時翻熱就食得，真係好方便，大家快啲通知鍾意試新嘢嘅朋友啦。