太興美食券 買$1000送$150

黛安一向有買現金券嘅習慣，又鍾意搜羅各類現金券優惠，最近太興集團就推出咗全新$50港式美食現金券，適用於3大品牌，包括太興、靠得住及敏華冰廳接近百間香港分店；推廣期內仲可享「買$1,000送$150」優惠，即係買20張送3張。由即日至10月6日，大家可透過泛飯生活www.fanfanslife.com，亦可以到分店預訂現金券。由10月9日起，全綫香港太興、靠得住粥麵小館及敏華冰廳就會正式發售喇。

現金券有效期為2年，適用於正價食品、堂食及外賣。每張禮券面額$50，購買數量須以$1,000為單位。依家買現金券，仲會額外加送罐裝食品$20優惠券乙張，數量有限，送完即止，大家千祈咪錯過喇！