麥當勞Value Monday重磅出擊 優惠Double Up

最近為咗抗疫，黛安都多咗煮食，不過有時想食少少嘢過下口癮，麥當勞就係不二之選。尤其係佢哋推出咗Value Monday後，多項優惠用手機一嘟就用到，優惠吸引之餘仲十分方便㖭。公關姊妹仲同黛安講，由即日起，麥當勞App加推咗Value Monday Double Up，一連3個星期，每周都有超過$400優惠劵啊！

今日（17日）至星期日（23日），首周Value Monday Double Up就會送出多達27張電子優惠券，好似$10歎9件裝麥樂雞、$1歎冰凍港式奶茶、$10歎兩個豬柳漢堡、$18歎四重芝士孖堡配中汽水，同埋$27板燒雞腿飽超值套餐等。真超抵食又多選擇。

黛安仲收到風，今次麥當勞搵咗Eason做宣傳，拍攝廣告片時，Eason盡顯鬼馬本色。佢仲話每次同麥當勞合作都希望將快樂傳遞畀大家，希望今次都可以透過宣傳片，等大家以超值價錢享受麥當勞美食嘅同時，亦可以感受到快樂氣氛。