【居住問題·下集】兄長婚後大嫂遷入兼生B 港男慘做廳長瀕臨被趕走 欲搬離減家用反被父親責罵

本港樓價之高令人望「樓」輕嘆，不少年輕人婚後更被迫與家人同住「蝸居」，易引發家庭糾紛。一名與父兄同住的港男便抱怨，兄長早前結婚後讓妻子遷入家中；未幾更誕下女兒，因大嫂的母親常來過夜「湊孫」，他被迫讓出房間做「廳長」長達半年，今他自覺是外人欲搬走改善生活，惟提出減少家用又反被父兄指摘，遭遇獲一眾網民同情。

有港女近日在網上討論區「連登」發帖，指姐姐欲於明年結婚後讓丈夫搬來同住，引來熱議。有女網民便以男友的經歷留言，籲港女勿「重蹈覆轍」，「我男朋友就係活生生例子」。她指男友的媽媽離世後，男友便與父親及兄長一齊住，3間房一人一間；但幾年前，其兄結婚後，大嫂便遷入同住，

「我男朋友係勁唔慣，無啦啦多咗個女人一齊住，好多習慣都要改變。」

更甚者，其男友的兄嫂去年誕下女兒後，大嫂母親稱要照顧女兒及孫女，因而經常前來過夜，

「我男朋友就讓咗間房畀佢阿嫂阿媽瞓，一瞓就做咗半年廳長。最近仲話個女開始大（就嚟兩歲）再同daddy、媽咪一間房唔方便，想我男朋友搬出去讓間房畀佢地個女。」

因其男友有感「阿哥佢地1家3口再加埋自己daddy先似一家人，自己反而係外人」，於是本來交開1萬元左右家用的他便與父兄討論，欲遷出自行租樓住，欲將家用減至4,000元。未料，減家用提議竟惹來兄長及父親激烈反對，除直斥「4,000邊度夠」外，更提出兩大「解決」方案：

「咪同你講咗其實唔係要你搬走，你可以去同daddy一間房，瞓上下格床，daddy都話ok，你又話唔方便唔鍾意！好啦，叫你好似之前咁做住廳長先，你又話長遠唔係辦法。而家話搬就搬，仲要比少d家用，有無諗過1時3刻我地無左一部分既錢好難安排，頭家你無份嘅，話走就走！」

女網民坦言，最慘的是男友更被父親責罵「唔識體諒阿哥」，「（男友父親）扮到自己好慘，好似畀屋企人恰緊，明明唔係想趕你出去住，比咗兩個（唔人道）方案你仲想點？偏心大仔偏到出晒面！」

她為男友的遭遇感到難過，大罵道：

「所謂嘅解決方案有無理過人嘅感受？迫個27歲嘅細仔同自己一間房/瞓廳，去讓間房畀個2歲都未夠嘅孫女，令到佢阿哥阿嫂有私人空間可以快啲生多個男孫畀佢（我地估係依個原因），叫人點接受呀？」

延伸閱讀：【居住問題·上集】家姐結婚想老公搬入一齊住 港女怕被趕走盼母親「企硬」：生埋B就無㗎喇【查看詳情】

每朝索取《晴報》：精明生活．健康家庭．娛樂資訊

責任編輯：李凱晴