滙豐一姐落區派食物贈基層 籲惜食

疫情下唔少基層朋友嘅生活大受影響，滙豐喺4月宣布捐$6,000萬抗疫，仲同惜食堂合作推出「惜食堂抗疫食物支援項目」，向5,000名基層人士提供連續12星期嘅食物援助，總共6萬份食物包；連滙豐香港「一姐」、行政總裁施穎茵（Diana）都有去幫手㖭！黛安知道，滙豐同惜食堂合作下，除咗提供食物援助，仲向1,300戶低收入家庭送贈總值156萬港元嘅超市現金券、發放特別應急基金等等。

施穎茵（Diana）喺上周五（5日）一早到惜食堂廚房，參與包裝食物包，再同團隊將部分食物包送畀附近基層家庭。佢話明白基層人士喺疫情中面對好多困難同挑戰，希望大家一齊關懷社區，並呼籲要珍惜食物、減少浪費。