6大商場新春主題活動 製個人化祝福賀禮

農曆新年黛安行程緊湊，除咗拜年，仲會同班好姊妹出去行大運。聽公關姊妹講，今年各大商場都準備咗好多精采活動同遊戲，等大家可以鴻運當頭過新春！

好似太古城中心咁，即日起至2月19日就同Coca-Cola攜手打造「紅運豐收」主題活動，只要訂閱太古城中心電子報領取紅運錦囊卡，一次過集齊姻緣、家庭、健康、財運及文昌5個當紅開運符號，再追蹤Cityplaza嘅IG，就可贏取獨家限定至紅小禮品。另外，喺場內商戶或自動販賣機買500毫升樽裝Coca-Cola，即可參與「人人快樂符」活動，喺現場影張個人相再加上喜慶圖案，可自製個人化Coca-Cola樽身貼紙！

港島區另一個商場ifc，即日起至2月8日喺商場中庭布置咗互動裝置「花團滿蹴樂滿屋」，可以喺拍照區創作個人化嘅節日祝福同WhatsApp貼圖，再向親友送上祝福，非常得意！公關姊妹仲話，即日至2月2日在商場消費滿5,000元或以上，仲可參加即抽即獎活動，豐富獎品包括ifc商場5,000元電子購物禮券㗎，大家唔好錯過啊。

另外，信和集團旗下包括屯門市廣場、奧海城同荃新天地，新春期間都會推出「密密買‧大激賞2」、「新春利市大激賞」抽獎活動等，送出總值500萬元現金禮券。姊妹話，顧客由即日至2月16日，喺三大商場最多2間商戶，以電子貨幣消費滿1,000元或以上，就可免費登記成為信和集團商場獎賞計劃S+ REWARDS會員，即可換領總值300元嘅商場購物券、美食券同電子現金券喇。