化身硅藻土吸水墊 Sanrio為你招財招福

農曆新年就快到，公關姊妹同黛安講，7-Eleven將聯乘Sanrio推出「Sanrio characters天然硅藻土吸水墊」，由Hello Kitty同My Melody擔大旗，分別以「招財」同「招福」造型登場，化身新年限量版硅藻土吸水墊，吸濕速乾又防霉防潮，兼具吸水防滑效能，放喺浴室最啱，亦可作梳洗用品墊、托盤、餐具晾乾板等，非常實用！公關姊妹仲話，「吸水」特質寓意豬籠入水，象徵新一年好運財運滾滾來。明日（8日）起至2月14日，喺7-Eleven分店以任何消費加138元，即可換購一件。