戶外藝術節登陸沙螺灣 欣賞港產建築師作品

講起藝術，唔少人都會諗起室內博物館式展覽，其實藝術都可以好「貼地」！黛安收到風，由誇啦啦藝術集匯舉辦嘅第二屆大型戶外藝術節「浮游之樂」藝動沙螺灣已正式開幕，大家可以睇到由英國藝術家用藤同棄置膠樽製作、7米高嘅精采海龍王裝置藝術品「巨龍」；仲有由本地得獎建築師設計嘅作品，以竹為材料，水滴嘅外形，透過美學呈現唔同國家嘅用水量，充滿藝術感亦好有意思。

一家大細可以喺「浮游之樂」穿梭鄉村、參加說故事和手工藝工作坊，仲可以看自造小船起航、聆聽結合水和瑜伽嘅音樂表演。喜歡冒險嘅參加者亦可以參加刺激嘅張保仔海戰圖版遊戲，同對手一較高下。有興趣嘅朋友，今個星期六、日（9至10日）記住去大嶼山西北沙螺灣村感受「浮游之樂」喇！