捐「佳之選」食物 家樂牌配對 助惜食堂傳遞愛

惜食堂自2011年起就開始咗第一個食物回收及援助計劃，到依家已經幫助咗好多有需要人士，仲愈來愈多企業參與其中。黛安聽公關姊妹講，家樂牌即日起，就喺百佳超級市場推廣「惜食」文化，號召大家一齊分享愛、分享食物！

家樂牌繼舊年成功同百佳超級市場和惜食堂合作推廣「全城傳愛齊捐食」後，姊妹話，今年繼續參與落力支持，推動惜食，即日起只要喺百佳超市捐贈每1件「佳之選」品牌嘅指定食物，家樂牌就會捐贈同等總值嘅家樂牌產品，令惜食堂可以製作更多熱飯餐。買多啲，就可以捐多啲！

另外，今年係第6屆「全城傳愛齊捐食」，過去5屆活動共為惜食堂籌集咗超過24.5萬件食物，連同善款總值超過610萬元！姊妹話，今年即日起至7月3號，市民可以將任何地方、任何品牌嘅8款指定食物，包括米、油、粟粉、米粉、罐頭、燕麥、密封包裝嘅冬菇和雲耳，交到百佳和旗下品牌全港280間門市的藍色收集箱內，只要係未過期同未開封，百佳會將收集到嘅食物運送去惜食堂！