現年58歲莫少聰同洪欣1997年因為合作拍攝《亡命天涯》相戀，2000年洪欣獨自到加拿大秘密誕下兒子，惟未出世二人已分手收場，外間一直覺得生父是莫少聰，但洪欣一直三緘其口，而莫少聰亦否認。直至2008年莫少聰才承認為生父，但洪欣則指過去的事情由它過去，獨力撫養兒子。近年莫少聰及洪欣各自組織家庭，洪欣嫁予內地藝人張丹峰後，兒子亦改跟繼父姓及改名為張鎬濂。
電影《亡命天涯》
莫少聰於阿仔張鎬濂出世後兩日與其合照。
張鎬濂已經大個仔，仲出道做藝人。
莫少聰1980年參加麗的電視舉辦的「慧眼識新星」比賽成為簽約電視藝員。1988年演出電影《中國最後一個太監》，一舉成名。憑住佢俊俏外形加上迷人大眼睛80、90年代吸納大批粉絲。不過因為後來被指拋棄洪欣母子被冠上負心漢之名，再加上2011年於北京朝陽區涉毒被捕，事業一沉不起。
莫少聰涉毒後開記招。
莫少聰同洪欣分開之後二人嘅感情路都唔順遂。洪欣同細佢9歲嘅大陸藝人老公張丹峰結婚10年，仲再生咗一個囡囡，舊年爆出張丹峰與經理人畢瀅「婚內出軌」，日前二人再被爆於酒店密會3小時，孤男寡女共處一室至凌晨時分！曾為丈夫洗白的洪欣未有再聲援另一半，除了取消關注畢瀅的微博外，又刪除所有同張丹峰有關嘅微博，令婚變傳聞更加「似層層」。
經常一齊出席活動放閃。
同張丹峰生咗一個囡囡。
洪欣同張丹峰結婚10年。
而莫少聰2011年嘅時候同細佢28年嘅大陸歌手孫雲玲結婚，之後仲生咗囡囡莫芷嫣，不過二人嘅婚姻只係維持咗5年。莫少聰2016年宣布同孫雲玲已經離婚，形容同「小玲沒能攜手走到最後，人生路上岔口太多，終究是少了一點運氣和緣分。」據知離婚唔涉及第三者，可能因為老夫少妻、文化差異及性格不合等。孫雲玲放棄女兒撫養權，莫少聰開始父兼母職照顧女兒。
莫少聰囡囡
囡囡係溜冰能手。