一包天然粉 攪掂廚房陳年老油漬【強嫂家務小知識】

大家好啊！今日係公眾假期，強嫂我梗係唔會偷懶啦！趁住呢個三日連假，有冇諗過清潔下陳年老油漬呢？話說有日，我老友Maggie sent 咗張洗爐頭嘅相畀我，我當堂嚇一嚇！腦裡面即刻彈出好多黑人問號，到底點解啲老油漬可以洗得咁乾淨？點樣可以15分鐘就輕易去油？

{{hket:inline-image name="oil.jpg"}}{{/hket:inline-image}}

嗱！就係呢張相啦！我即刻望住自己個爐頭，自愧不如啊！話晒我都係最入得廚房嘅強嫂，真係唔可以唔請教下Maggie啦！

Maggie 話方法好簡單，就係靠一包粉！

{{hket:inline-image name="oil2.jpg"}}{{/hket:inline-image}}

原來Maggie 就係用咗茶籽粉去陳年老油漬，市面上一啲賣綠色產品嘅鋪頭都可以買得到。只要將茶籽粉加落去陳年老油漬上面，用熱水開溶。浸15分鐘後，如果仲好強嘅油漬未甩，就再用牙刷擦下佢。再用水沖沖即刻乾淨都不得了！

過咗幾日我真係試咗用茶籽粉嚟沖洗啲陳老油積，真係唔洗好多力氣就可以洗乾淨！真係可以稱佢為最強去油妙法啊！Maggie 仲話，茶籽粉可以用嚟洗頭！啱晒夏天個頭好油嘅人(係咪講緊我強佬啊？)

強嫂我就最鐘意用啲天然嘢嚟做家務，環保得嚟又唔會傷害到我班小朋友，哎真係唔讚自己都唔得啊！

{{hket:inline-image name="keung1.jpg"}}{{/hket:inline-image}}

(嗚謝 手作人Maggie)