何鴻毅家族基金 推動港青作曲家演出

常言道「音樂係人類的共同語言」，可以打破人種同膚色界限。黛安就聽聞，新一季港樂有作曲家，用音樂去探索抽象嘅時間同空間概念。

香港管弦樂團早前宣布，譚樂希喺6位香港青年古典作曲家中脫穎而出，獲本年度「何鴻毅家族基金作曲家計劃」委約，佢嘅全新作品《間》會喺2019/20樂季音樂會發表。佢話，華語地區慣用「間」去描述維度，例如距間、空間同時間。而空間同時間喺音樂中相當重要，好嘅音樂作品需要掌握兩者平衡。黛安都好想去了解下，兩個抽象概念可以點透過音樂表達。

其實今年計劃仲邀請到曾擔任美國多個樂團總監嘅朴正鎬，以及英國作曲家Michael Zev Gordon，為幾位作曲家提供意見和指導，相信幾位都增益不少啦。