才女作家認「親戚」 迪士尼探索家酒店歎美食

一年一度嘅「美酒佳餚巡禮」就到喇！黛安知道，適逢活動今年10周年，連廣受歡迎嘅香港迪士尼都首次落埋場參展，推出一系列以迪士尼朋友造型嘅精緻點心同甜品，黛安上星期仲有幸應邀到迪士尼探索家酒店品嘗，發現樣樣外形夠靚，食落仲好好味，絕對睇得又食得，好得。

唔止咁，黛安當日仲遇到一班迪士尼朋友嘅粉絲，佢哋仲「認親認戚」，著名股評人兼《晴報》專欄作者胡孟青話自己係胡迪嘅妹妹、同樣係《晴報》靚女專欄作者嘅唐嘉碧就話係唐老鴨嗰妹，至於才女藝人盧覓雪就仲厲害，佢係白雪公主嘅表妹覓雪公主，真係認真搞笑！同場仲有唔少專欄作者，好似黛安好欣賞嘅另外兩大才女，香港首位戰地女記者張翠容、同專欄作家兼資深空姐藍海寧等，難得五大才女聚首一堂，仲有飲食界名人Gigi和Isaac，大家有講有笑之餘，仲好期待嚟緊25號「美酒佳餚巡禮」開幕，相信到時迪士尼一定有更多驚喜送畀大家。