康怡廣場幻想天地 參與親子活動 學情緒管理

放暑假想同仔女行街街，黛安有好推介。最近康怡廣場以色彩鮮豔嘅童趣裝飾，打造咗一個小朋友嘅幻想天地，商場M樓仲有巨型八爪魚裝置同小朋友玩。今個星期六（28日），商場仲舉辦咗「親子靜觀工作坊」，等家長同小朋友可以一齊製作魔法安靜瓶，學習情緒管理兼促進親子關係。

公關姊妹仲透露，8月4日康怡廣場同香港救助兒童會將舉辦「『世界另一端』VR生活體驗」同埋「『小恩大惠』工作坊」，畀小朋友透過虛擬實境（VR）裝置，親身體驗發展中國家嘅生活狀況。此外，8月11日商場亦會舉辦「康怡至叻小明星大賽」初賽選拔，到18日就會進行決賽，畀參賽者爭奪康怡學林獎學金，今個星期五（27日）就截止報名喇，報名詳情可留意http://www.kornhill-idol.com/。