慶王子大婚 英航「哈里」「梅根」為你服務

英國哈里王子同未婚妻梅根（Meghan Markle），即將喺今個星期六大婚。英航為慶祝呢場皇室大婚，特別為當日飛往多倫多編號BA93航班上嘅乘客，帶嚟王子同公主般嘅待遇。

公關姊妹話，航班會由10位星級機組人員負責，特別由2位Harry、7位Megan同1位Meghan組成，就連副機長都由Harry Blake負責執勤，仲會送上口味同哈里王子結婚蛋糕一樣嘅檸檬接骨木花維多利亞海綿蛋糕一件，同一支Castelnau Blanc du Blanc香檳。

而當日喺倫敦希思路5號大樓出發、名字係Harry、Meghan同Megan嘅乘客及旅伴，都可以享用頭等乘客專用嘅First lounge，同頭等乘客尊用保安檢查、直達貴賓室First Wing嘅登機服務區。黛安都即刻好想改名叫Meghan啊！