當《CATS》遇上香港忌廉哥

黛安細細個已聽過Memory呢首名曲，一直都好希望可以欣賞到百老匯音樂劇《貓》（CATS）嘅表演，嚟緊喺香港演藝學院歌劇院有得睇啦！日前幾隻劇中經典貓咪角色，更於香港演出期間四處出沒，除咗玩轉香港摩天輪，又偷空去到尖沙咀欣賞維港景色，仲畀佢哋遇上香港星貓兼網紅忌廉哥！黛安睇見呢張咁得意嘅世紀合照，都忍唔住笑咗出嚟。

《CATS》自1981年全球首演以來，已經喺超過30個國家演出，亦都係倫敦城西和百老匯史上，連續上演時間最長嘅音樂劇之一，新紀錄係有21年咁長，演出次數直逼9,000場，全球有超過8,100萬名觀眾捧過場，認真厲害！如果大家未睇過，有機會真係要入場見識下。