上環開張 首間純素漢堡店 $38起歎素扒包

喺香港食素，以前都算「搵食艱難」，不過隨住素食者愈來愈多，素食餐廳嘅數目都比以前多。有素食姊妹同黛安分享，最近上環有一間純素漢堡專門店Veggi Monster開幕，原來漢堡包都有全素版本，真係素食者嘅喜訊呢！

黛安原本以為素漢堡應該會好悶、好dry，但睇過Veggi Monster嘅餐牌之後，我都有衝動想試食呀！佢哋有6款主打漢堡，分別以黑松露黑豆扒、麻辣豆腐扒、白松露淮山扒等食材入饌，再用京燒汁、重慶麻辣醬等醬料調味，配搭非常惹味；而且最平嘅素扒漢堡亦只係$38，大件夾抵食。而最吸引嘅就要數佢哋嘅小食「怪獸蛋」喇，用淮山同薯仔炸出一個個淮山球，有營養又有口感。遲下一定要去試試！