鴻福堂×布甸狗 Pop-up Café換限定福袋

黛安噚日經過九龍灣淘大商場嘅鴻福堂分店時，見到有好多布甸狗產品。原來即日起至明年2月28號，呢間分店會變成布甸狗主題涼茶店，仲有限定布甸狗甜蜜蜜雪糕布甸食，夠晒卡娃兒啊！

公關姐妹話，Pop-up Café會配合唔同嘅食品係其他分店一同推出，除咗每份$48嘅布甸狗甜蜜蜜雪糕布甸係獨家限定外，布甸狗奶皇包、布甸狗魚片拼燒賣滋味套餐、粟米北海道奶露等等，都可以喺其他分店買到。黛安就想試下個布甸狗奶皇包，聽講12月中先有得賣，睇嚟要等多一陣先食到。

姐妹仲提醒，即日起至12月31日，只要係自家CLUB會員，去到Pop-up Café就可以用56折，即係$168換購布甸狗期間限定福袋，價值$300！限量200套，售完即止！要買就趁手啦！