何鴻毅家族基金贊助 百幅國畫柏林展出

國畫博大精深，黛安知道由何鴻毅家族基金贊助嘅「傳神雅聚」展覽，早前就喺柏林亞洲藝術博物館舉行，過百幅橫跨500多年歷史嘅畫作越洋展出，仲成為當地第一個以中國肖像畫做主題嘅展覽！

展覽會有2種肖像畫，包括祖先像和重要人物畫像，好似有官員、藝術家、詩人、軍人等。其中大型皇室肖像嘅四周，會放有故宮嘅絲織品文物，兩組展品都係由北京故宮博物院借出；而祖先像則由多倫多皇家安大略博物館借出，會擺放喺一個有香爐、燭台同花瓶嘅祭壇旁邊，完全展示出畫作本身嘅社會、宗教和創作背景，猶如親歷其境一樣。