朗豪坊打造「黑白®冰室」 齊歎免費奶茶

港式地道奶茶又香又濃，黛安不時都會去茶餐廳歎番一杯。而奶茶嘅靈魂莫過於來自荷蘭嘅黑白®淡奶，佢嘅品牌下個月會聯同Chocolate Rain喺朗豪坊舉辦「港式奶茶日2017」，仲會喺全港各區嘅茶餐廳和快餐店，免費派足一個月奶茶！

「港式奶茶日」踏入第5屆，今年會喺朗豪坊4樓打造首個「黑白®冰室」，主角就係Chocolate Rain筆下嘅法天娜Fatina，同佢一班好朋友小廚Chefo、拖肥熊Toffee Bear和小兔Latte，齊齊化身做港式奶茶師傅、茶餐廳伙計和客人，擺定pose同大家合照！聽公關姐妹講，自拍影唔到全景，所以現場會有12個廣角鏡頭，幫大家影個180度動態全景相，仲可以變成video，包保幾多人嚟都無問題！

而下個月1至7號，下午3點到4點，會係「黑白®冰室」每日免費派出100杯奶茶，之後係13號至30號期間，逢周一至周五，仲會係全港超過250間茶餐廳和45間快餐店免費派足一個月奶茶。

消費指定金額 換經典茶杯

有奶茶飲，又點少得經典嘅奶茶杯？朗豪坊LP Club會員只要下個月1至7號，即日消費滿500蚊，就可換到經典熱飲杯碟1套，每日限量100名，仲可以免費刻名！如果你唔係會員，都可以係即日起至明年1月3號，係指定茶餐廳叫1杯黑白®冬日特飲，之後幫杯內嘅圖案同茶記餐牌影一張相，upload到指定頁面（http://bit.ly/2uwjCzR），完成登記後就可以去指定OK便利店以30蚊換購！