踩單車戰50公里賽 郭基煇：上尖山最辛苦

呢幾日香港可謂體壇盛事多籮籮，星期六晚先睇完「神奇小子」曹星如大戰河野公平，昨日又有每年一度嘅單車節。雖然黛安無份參賽，但就知道好多城中名人都身體力行出戰單車節，包括新地執行董事郭基煇（Adam）。向來熱衷運動嘅佢，昨日更落場挑戰50公里賽，同場較勁嘅仲有「亞洲車神」黃金寶及「鐵血女車神」黃蘊瑤等2,600名參加者，齊齊踩上青馬大橋破風。雖則Adam話今年工作繁忙，較少時間練車，又形容踩入尖山隧道前一段斜路好辛苦，不過黛安就覺得係佢謙虛啫，事關佢最終都順利完賽，相當犀利。

Adam又同黛安分享，覺得單車節對佢嚟講有莫大意義，因為新地一向主張「以心建家」，講緊嘅唔止係起屋畀人住，更包括建設香港；近年單車文化愈趨普及，新地希望可藉贊助單車節打造盛事香港，真係好有意思呢！