武者降臨昂坪 直擊少林真功夫

論武功，俗世中不知邊個高。但少林功夫的名堂，卻名震天下。想見識真功夫毋須北上去到少林寺，下個月去昂坪市集就睇到啦！聽公關姐妹講，今次安排十多名自小修練少林功夫嘅武者到場表演18項高難度功夫，即場演練旗、鎮山棍、牧羊鞭、功夫扇等少林兵器，包括從未在港公演嘅「繩鏢」武術；仲有得睇武者一齊揮動壯觀「旗陣」，同埋講求團結協調嘅「壘羅漢」表演，真係機會難得。

想偷下師，在場仲會有少林習武工作坊，畀小朋友即場拜師學番一招半式﹗黛安就最想學小巧嘅「子母鴛鴦鉞」，最型仔係可以埋身搏擊，制衡啲長兵利刃。不過想習武都要睇準時機，武者只會在港逗留1個月，每日只有3個時段表演㗎咋！