響應熱潮 星期日睇電競直播

講到最近城中至hit話題，肯定非電競莫屬啦！話說今個暑假首個電競盛事、由李嘉誠基金會主辦嘅《香港競XP》活動上星期開幕，其中一項主要賽事，係由3香港贊助嘅《部落衝突：皇室戰爭》比賽。呢場激戰幾日前已正式開打，仲吸引到超過400名電玩迷連綫參加，一聽就知反應有幾熱烈啦！唔單止咁，黛安仲知道，3香港日前請咗《部落衝突：皇室戰爭》皇冠錦標賽台港澳賽區冠軍TMD Aaron來到現場，同3位3香港特選客戶切磋，以及分享遊戲心得𠻹，相信佢哋打完呢鋪機之後都獲益良多。

咪以為個活動咁就完咗，其實呢場大戰嘅決賽，嚟緊星期日（7月9日）先正式上演。如果你都有興趣的話，不妨喺當日登入3香港網頁（www.three.com.hk）或facebook專頁（www.facebook.com/threeHK）欣賞現場直播，緊貼《香港競XP》每個精采時刻啦！