花旗創意理財話劇賽 聖公會基恩小學奪冠

黛安聽過唔少有細路嘅姊妹呻，話新一代細路幾乎要乜有乜，有時真係幾擔心佢哋只識使錢、唔識理財；所以，從小向小朋友灌輸正確理財觀念，真係好重要。而由花旗集團及保良局攜手舉辦嘅「Agent Penny與Will Power」創意理財話劇比賽暨頒獎典禮，日前就順利舉行啦。

據了解，這項比賽旨在讓參賽同學透過創作及演出理財話劇，生動有趣地將所學理財知識表達出來，體現學以致用嘅教學精神。同時，主辦機構亦希望藉此增強參賽同學嘅自信、啟發佢哋嘅創意潛能，以及提升其耐心聆聽及團隊合作精神等。

今年有共14隊來自8間小學嘅同學參加比賽，評判團以創意、戲劇演出及理財信息等作評審準則；結果聖公會基恩小學勇奪「Agent Penny與Will Power」之創意理財話劇比賽全場總冠軍，真係恭喜晒！