復活節去PMQ逛貨櫃市集

復活節唔去旅行，留喺香港都可以好好玩！事關PMQ元創方明日（13日）至17日首次舉行限定貨櫃市集，到時有6個迷你貨櫃及超過20個精選攤位畀姊妹們吃喝玩樂！黛安仲聽講當中有個打卡位，係由過千隻復活蛋組成的「千色復活蛋牆」，到時大家記得去朝聖啦！另外，姊妹到時可用電子畫蛋機，將自訂的英文句子，打印在隨機扭出的復活蛋，承惠共70元。

不得不提，今次參加的攤檔全部人氣爆燈，包括「ISEE iSEE」市集限定粉色系列手製雪條、「Lof1辦館」限定棉花糖多士、「KAVICH」玫瑰蜂蜜日本櫻花Latte、「Spark Chamber八拾花火」櫻花花火瓶燈等，有得食又嘢買，相信會好熱鬧！