何謂炒股贏家？

坊間喜歡戲稱盲目入市一族為「盲毛」，永遠心存僥倖、聽聲入市，惟並非所有阿毛都一樣盲目，致勝關鍵係心水清、唔貪心，幾蚊雞成本揸住隻濠賭股、途中見升幅大先行取回成本再放紙鳶，成就股神婆婆。長情粉絲股神伯伯可以由幾十萬市值揸到過千萬，都係基於頭腦夠冷靜，未有出出入入，再一次證明，有錢人可以炒股票發達，平常人則係要肯坐還要坐對號碼才有望靠揸股票發達，追升殺跌、為蠅頭小利出出入入，到頭來最終有時都係得桔。

Trend is your friend，係炒股格言，要食中個大浪，未必需要有rocket scientist的高學歷，simple is beautiful，亦可應用於投資，股神婆婆就是基於「莊家穩賺」的行業特性入市，投資可以好簡單，不信？

真人真事，有從來不炒股票，在大學教數學的教授，零五年開戶就只為買入蘋果（AAPL）的股票，當年九十美元一拆二，他在四十美元入市，即使七百美元未獲利，現在帳面仍賺十多倍，買入理據就係因為一個字：innovation，創新！每盤生意都有其箇中之成功竅門，能掌握和保住開啟這道門的鑰匙的，就是贏家。