台南小食節 必試小帥哥米糕

想吃台南嘅街頭小吃，又無時間飛去當地品嘗？唔緊要，皆因係復活節4月15至17日期間，台灣觀光局、台南市政府觀光旅遊局同鑽石山荷里活廣場聯合舉辦台南街頭小食節，請來8大當地既人氣小店，喺香港就食到啦！

其中由90後「小鮮肉」劉雨樵主理嘅糯夫米糕，要喺台南食到都好難，因佢每日擺攤地點都唔同，所以今次真係機會難得啊！

呢位小帥哥年紀輕輕，佢話一直都好鍾意煮嘢吃，而米糕係佢阿嬤既家鄉菜，於是畢業後就決定將阿嬤嘅味道傳承下去。但佢無開鋪，反而每日騎住架阿公級單車到唔同地點限量出售米糕，點知非常受歡迎，由最初每日賣20碗，到依家賣80碗，日日排晒長龍，連五月天嘅瑪莎都有幫襯！至於小食節期間，他每日將會供應最多200份米糕！