屈臣氏引入英皇室保健品 總經理都大手入貨

身體健康才可保持美貌，屈臣氏調查發現，原來服食保健品唔再係中老年人專利，連8、90後都非常關注！屈臣氏最近引入英國皇室認可保健品品牌、有150年歷史的Holland & Barrett。香港屈臣氏總經理張慧屏（Diane）就話，紅色樽身嘅魚油丸是品牌主打，佢自己都有大手入貨！今次引入品牌逾150款產品，包括強關節護骨、調理腸道，仲有專供小孩營養保健品等，喺分店和電子商店都買到。屈臣氏舊年調查發現，逾半人認為健康屬中等或差劣水平，逾7成有購買或考慮服食維他命同保健產品，30歲以下女性更佔9成！佢話保健產品表現跑贏大市，相信具發展潛力！

噚日新品牌開幕禮特意揀喺德福廣場分店舉行，該店舊年啟用，主攻年輕市場，Diane話睇到客群有年輕化趨勢，網購服務亦深受歡迎，舊年網購業績按年升超過50％，夜晚10點更係網購高峰期，估唔到原來大家瞓覺前都鍾意上網shopping下。