維他港式鴛鴦 吼年輕人市場

黛安每次食完晏，都要飲番杯咖啡或者奶茶，好友經常會推介好味之選，最近收到message，「快點試下維他新嗰款港式鴛鴦，你應該鍾意！」黛安之前飲維他港式奶茶，已經是忠實fans，轉眼間又有搞作，嗱嗱臨試！

投放資源攻社交媒體

試味都要八卦一下，維他市務部的姊妹說，「鴛鴦也是港人很喜愛的地道飲品，推出港式奶茶時，已心思思想試港式鴛鴦。」原來早有計劃，黛安都記得，鴛鴦飲品2014年被選為香港非物質文化遺產，算得上是香港人記憶中獨有風味。

好姊妹又同黛安講，雖然鴛鴦呢款港式味道有吸引力，但新一代年輕人揀飲品未必即時就會想起它，希望新產品可以帶起另一陣飲鴛鴦熱潮，「一如以往，配合新產品會有一系列的宣傳……為了年輕人市場，亦會投放資源在電子媒體如facebook等」。

講番新產品，好味的港式鴛鴦，最重要自然是咖啡與奶茶的例，聽講新配方經過多月反覆嘗試，選用上等錫蘭茶葉及紅茶葉加埋烘焙咖啡，務求茶香有層次得來，要有「港式味道」。好姊妹信心十足：「大家試飲後『回頭率』會很高！」