一田賀年食品節 買精緻年貨

年近歲晚，唔少商場開始做優惠，亦係時候諗定拜年送咩禮好！全綫一田超市即將喺今個月13至31日，舉辦「迎雞納福」賀年食品節，以出位價發售多款參茸海味、精緻日本甜點，款式多到數唔晒啊！

如果唔想例牌送朱古力禮盒咁悶，不妨考慮包裝靚爆嘅日式禮盒，例如梳乎蛋奶油夾心餅乾、久保田龍蝦／松葉蟹拉麵禮盒、金賞楓糖芝士蛋糕、「白桃國」岡山白桃蛋糕及夕張哈密瓜奶油水果撻等等，仲有其他地道特色甜品，包括入選米芝蓮的添好運椰蓉奶黃糕、星級名廚徐蒝與龍門酒家推出的紫玉黃金糕，大人細路都鍾意！

送畀長輩要夠得體，就可以諗諗比手掌還大、用嚟烹調花膠扒或者煲湯都啱嘅特選厚花膠筒、性價比高嘅即食極品清湯鮑、頂級南非溏心鮑魚等！