閱讀在銅鑼灣 旅遊書$10開賣

嚟到年尾，之前喺書展買落嘅書都睇得七七八八，「書蟲」們係咪開始心癢癢呢？唔緊要，事關大型書展「閱讀在銅鑼灣」快將於1月7至8日舉行！大會邀請咗36家出版社參加，總共有61個攤位，佢哋仲帶咗大概22本特價書嚟書展。

究竟啲書有幾抵？就係新書將會有8折，仲有出版商推出$10、$20超抵價嘅書，覺得未夠抵？嗱嗱嗱，仲有折上折優惠，買夠3本$10特價書，只係$20，而買夠3本$20特價書都只係$50咋！黛安睇下八折新書區入面有咩書？原來都不乏好書㗎，好似《孩子追夢的世界》，係只有19歲嘅Kelvin Yuen作品，佢喺2015年得到國家地理全球攝影大賽台灣賽區青年組冠軍，作品更被評為「展現如同成人般的穩健與視野，獲得評審的一致喜愛」，對影相有興趣嘅你千祈唔好錯過。

至於$10特價書鍾意旅行嘅一定要買《不只住一晚-台灣花東民宿夢之旅》，精美嘅圖文介紹到風格多樣嘅民宿，寫出台灣花東背山面海，仲有豐富原住民文化，本書絕對係去台灣東部玩樂嘅必備攻略！愛書嘅你記得要去書展買多幾本喇！