中電莊偉茵 幫60年代光屋裝電

深井「光屋」係全港首幢為基層家庭，提供過渡性居住嘅社會房屋，由前九龍紗廠眷屬宿舍活化而成，提供45個單位，租金介乎3,000至5,000蚊，今年9月已經入伙喇！

新屋最重要係咩？梗係要有電啦，黛安早前同中電企業發展總裁莊偉茵（Quince）傾開，佢話因為光屋嘅規格和供電系統都係上世紀60年代標準，要提升電力花上唔少工夫！Quince話提升電力需安裝重達1噸以上、俗稱「火牛」的變壓器，由於光屋嘅附近樹木、雜草叢生，安裝支撑變壓器的大木柱位置有限，又難以用直升機、吊臂車等運送「火牛」。最後點解決？Quince與同事絞盡腦汁，在斜坡上搭建臨時斜道，將「火牛」慢慢拉上去，面對咁大挑戰，都可以靈活變通，抵畀like你哋呀！