周董籲保護生態 拒食翅

近年黛安身邊唔少朋友都拒食魚翅，為保護海洋生態出力。樂壇天王周杰倫（Jay）亦加入了「說不大軍」。佢最近仲為保護自然生態機構野生救援，拍攝咗30秒保育宣傳短片。黛安見片中Jay向參加宴會的食翅人士埋手，話如果有人指食翅唔會危害鯊魚的生存、魚翅不含汞或唔會影響大家的健康，千萬不要相信，呼籲大家為了健康、海洋生態同鯊魚生存權利，對魚翅說不。

其實全球每年約有1億條鯊魚被捕殺，當中7,300萬條被取魚翅煮食。作為野生救援最新全球大使，Jay仲拍咗拒絕象牙、犀牛角同穿山甲的廣告，佢話若唔停止非法貿易，世界會冇晒呢啲珍貴動物。