穿越時空 參觀甲骨文 學古文化

文字一直都係我哋溝通方式之一，中國文字源遠流長，當中嘅甲骨文係古代占卜文化源頭，亦係珍貴文化遺產。

今年1月5日至2月3日期間，荃新天地2期將舉辦「甲骨古文迎新歲」展覽，將會展出刻有甲骨文字嘅甲骨龜板同牛肩胛骨，期間仲有工作坊及競猜遊戲等。

大家就可以穿越時空，返到3,400年前嘅商朝，了解現代文字起源面貌，而且仲可以收集12生肖中已獲確認嘅多種動物的甲骨文字蓋印，好有紀念價值！用開文字同大家溝通嘅黛安，就一定會去展覽，開下眼界，窺探文字嘅奧妙！