加菲貓《晴報》派曲奇 提早送聖誕禮物

話說噚日為食貓加菲同佢個friend阿的上咗《晴報》大派曲奇，點解咁好有禮物收？原來佢哋今個聖誕，將會喺將軍澳中心一齊開「Eat'Mas為食派對」，雖然Christmas下個月至到，不過今個月18號至明年1月1號，加菲貓已經霸咗個場，放佢嘅雕塑公仔同sweet甜點裝置，用嚟selfie真係人靚景甜夠晒呃Like！商場今年整咗個加菲貓郵局，顧客喺商場以電子貨幣消費滿300蚊，就可免費換領明信片，即時喺商場個加菲貓郵筒寄出，就有機會收到聖誕老人喺瑞典寄返來嘅親筆回信喇。

另外，貓奴要留意！商場仲舉辦咗個「誰是真正為食加菲貓？」攝影比賽，參加者拍下心愛貓咪最為食一面，再post去將軍澳中心fb專頁，就有機會贏取貓貓用品同食品！