食外賣都要環保 走紙杯 換私家杯

飲嘢走冰就聽得多，連杯都走埋你又聽過未？綠色團隊Smiley Planet呢排就搞咗個「外賣，走杯﹗」計劃，仲獲得渣打香港150周年慈善基金贊助，只要自備容器餐廳外賣飲嘢，再喺Instagram影相分享推薦餐廳支持計劃，落埋Hashtag #走杯或#GoCupHK，就有機會做「走杯」大使，仲可以換到隻特別設計的隨行杯𠻹。

據講隻隨行杯本身用可回收的PP5聚丙烯整，可以裝達100度的熱飲，用起上嚟夠晒方便。杯身仲有埋12 oz及8oz刻度，方便餐廳職員度位，係咪好貼心先？隻杯仲有埋攪拌棒，杯蓋又有個凹位方便固定糖包，等你走杯之餘仲可走埋攪拌棒同膠袋，要環保，EASY啦﹗