黑色T恤代西裝 恒生高層型撑便服日

「喂，你睇下班Banker幾有型！」平時喺中環遇到的Banker，唔係西裝就係套裝上陣，不過噚日例外，唔少人換上輕裝、便服返工。點解？因為響應公益金便服日嘛！

黛安從銀行界姊妹處，收到恒生銀行一班管理層嘅型格便服look，包括恒生銀行副董事長兼CEO李慧敏、執行董事兼環球銀行，以及資本市場業務主管馮孝忠都玩埋一份，換上黑色T恤、Polo恤返工，配合今年大會口號「要型人，先要型自己」，成個感覺令人耳目一新！

一比一配對捐款

梗係啦，黛安記得馮孝忠本身係「公益金便服日」籌劃委員會主席，當然要出一分力，拉埋同事開心做善事。除咗同事積極參與，黛安仲聽恒生姊妹講，銀行每年仲會將同事收集到嘅善款，作一比一配對捐款，希望幫到更多有需要嘅人，認真有意義。