購物做善事 兼攞型格利市封

農曆新年就快到，又係時候買利市封！海港城今年同「香港血癌基金」合作潮派利市封，凡喺任何商戶即日以EPS、信用卡或八達通消費滿$2,000或以上，並捐款$30或$150畀基金，即可換領限量版利市封或利市封連利市袋。

公關姊妹話套利市封係以「水為財」題材，配以金箔鱗片燙金設計嘅錦鯉圖案，封底分別印上「優哉游哉」、「魚躍龍門」、「富貴如意」及「如魚得水」祝賀詞，等送利市或者收利市嘅人都收到祝福。兩款利市袋就行型格路綫，分別有紫紅色及藍綠色兩款Pouch Size利市袋，用仿皮及麂皮做Mix & Match，夠晒時尚！同時，即日起以電子貨幣消費滿$1,000或以上並捐款$30，年初二就可以喺海運大廈露天停車場睇煙花！