city'super甜品祭 干邑混入栗子蛋糕

都說女人有兩個胃，一個用來食正餐，另一個就係放甜品。9月正是栗子當造期，city'super兩間人氣日本甜品專櫃聯手搞咗個「栗子甜品祭」！本來煩惱緊送咩生日蛋糕畀好友慶生，Patisserie Yamakawa的栗子干邑蛋糕正合心意，底層是合桃蛋白蛋糕，仲好罕有地將干邑酒混入栗子忌廉，講起都流晒口水；仲有新出的栗子布朗蛋糕，蛋糕用上3款不同的日本栗子，食落好有口感，正！甜品祭由即日至9月30日，中秋除咗食月餅，仲可買件栗子蛋糕做宵夜，都唔算好貪心啩？