和電香港Stevie Awards橫掃14大獎

和記電訊香港好叻！收到姊妹消息，品牌旗下固網業務和記環球電訊同流動通訊業務3香港，喺2016年度Stevie Awards國際企業大獎，奪得兩金、兩銀、十銅，一共14項大獎。

講開又講，3香港嘅Better服務企劃真係夠晒威水，獲得年度低預算市場企劃金獎、年度重塑品牌銀獎等6個獎項。原來唔經唔覺，品牌推廣「Making Better」理念已經一段時間，一系列用「3就係好服務」做主題嘅廣告可以話係深入民心。除咗廣告，品牌之前推出全港手機用戶適用嘅「過料特工」轉移手機資料服務、升級版iChat網上即時通訊服務好受歡迎，可以話係全面提升客戶服務質素，難怪咁多人認同。