樂視獨家播人氣台劇 男女主角閃電訪港

樂視獨家播人氣台劇《我和我的十七歲》，兩位主角李國毅同周曉涵人氣急升，上星期特登來港去銅鑼灣出席粉絲見面會！因為《我》劇用邊拍邊播形式，兩個人留港都唔夠24小時，要馬拉松式做宣傳之後即飛返台灣趕戲，國毅話前一晚拍戲拍到好晚好晚，幾乎無瞓過。不過見面會上，兩個都未見疲態，落力同粉絲互動。國毅仲好主動，幾乎把臉貼到粉絲臉上，引起全場尖叫。曉涵就被爆出拍攝時跌倒，有日拍攝地方好黑，曉涵無留意有條水溝，跌咗落去，膝頭哥縫咗好幾針，真係陰公豬！