MC Jin X 譚淇淇 Rap出美心MX咖喱狂熱

夏日炎炎，胃口好似差啲？食番個咖喱刺激一下味蕾，包你胃口大開！話說前幾日睇咗個好有新意嘅廣告，美心MX搵咗MC Jin同譚淇淇兩師徒一齊Rap，話要Rap出MX原煲咖喱嘅狂熱，聽完已經覺得想食番煲咖喱！廣告出街後，聽淇淇講起，兩師徒一段時間無見過，今次合作唔使點warm-up都好快諗好段rap，「心情好興奮」，佢仲話，「度緊段rap前食咗個咖喱，所以廣告入面非常『原汁原味』講出我哋食完咖喱覺得好好味嘅感覺㗎」！

原來今次MX原煲咖喱，有牛肋肉、雞同豬軟骨三款，而最重要嗰part、即係煲咖喱都有好多蹺妙。聽講MX秘製配方有好多種獨特香料，例如香辣馬來咖喱粉、香味層次分明嘅印度咖喱粉、清香嘅新加坡咖喱粉等，呢個「多國咖喱粉嘅組合」，加埋指天椒、蝦膏之類醬料，梗係要辣味有辣味、要香味有香味啦！

公關姊妹仲話，原煲咖喱係即叫即製，每煲咖喱都要「原煲上」，務求咖喱夠濃香，上枱時夠火辣辣。品牌午市同晚市仲有推廣優惠，即日起5月15日，食MX原煲咖喱，就可以加10蚊升級狂熱套餐，有上湯浸時菜同可樂一杯𠻹！