你慳電 中電捐電助弱勢社群

收到中電嘅姊妹嘅消息，佢哋今年會繼續推出「全城過電」計劃，參加用戶只要係6至8月每慳一度電，中電就捐一度電畀弱勢社群。

聽講「全城過電」計劃舊年有20萬中電住宅用戶參加，一共慳咗950萬度電，相等於2,000個住宅家庭一年嘅用電量。結果舊年共有2萬戶有需要人士，分別得到中電以股東資金捐出的300元特別電費資助。參與計劃揭幕式嘅環境局局長黃錦星（左二），亦讚揚計劃有創意，鼓勵全城慳電之餘更可幫助弱勢社群。