柳俊江分享理財3部曲

大家記唔記得投資者教育中心（IEC）推出金融理財教育平台錢家有道？上星期佢哋Facebook專頁有新消息，「錢家作客」首位嘉賓出場，就係電視主持兼廣告導演柳俊江（Ryan）！之前聽IEC公關姊妹講過，錢家作客會由錢家唔同成員同名人、專家對話，了解唔同理財策略。Ryan聽錢生講起仔仔阿錢成日亂使錢，就講起自己啱啱出嚟做嘢嘅時候，大使之餘累積埋卡數，愈搞愈大壓力，後來先學識「真係有需要嘅時候先至買！」想知多啲Ryan點樣理財，就要上「錢家有道」Facebook專頁睇下啦！