靳叔出山 為一丹獎設計logo

靳叔喺香港設計界無人唔識，年過70嘅靳叔享受緊半退休生活，有咩人可以請到靳叔幫忙？公關姊妹話，原來係騰訊創辦人之一嘅陳一丹。陳一丹啱啱成立推動教育發展嘅「一丹獎」，每年獎金達六千萬港元，包括「一丹教育研究獎」及「一丹教育發展獎」兩大獎項，靳叔體會到佢嘅心意，梗係大力支持啦！

靳叔表示，一丹獎logo嘅設計融入咗自己嘅體會，風格中西融合之餘，仲好有意思㗎，「創辦人陳一丹先生個名『一丹』融合成一個『丹』字，象徵一丹獎嘅願景，係通過教育提升人類福祉呢一片丹心。」睇下個logo，真係有靳叔招牌水墨風格！

講番個獎，聽公關姊妹講，兩個獎項嘅得獎人分別會獲得3,000萬港元獎勵，其中一半為獎金，而另一半為支持推動教育研究或項目的資金。陳一丹話，項目資助係希望得獎人可以有足夠資金去發揚光大教育研究同項目，真正推動到未來全球教育發展。