父子檔去淘大 剪最潮髮型

父親節就到，諗好父子檔有咩活動？恒隆地產旗下淘大商場搞搞新意思，用「潮‧型父親節」做主題，打造五十年代美式懷舊理髮店，展出懷舊salon工具，一眾爸爸可以帶埋細路仔換個至潮髮型添！

下星期四開始，商場嘅「懷舊理髮店」會展出兩張五十年代用到依家嘅懷舊理髮凳同多款古董理髮工具，等大家一行入嚟就覺得置身昔日懷舊理髮店咁話。

講番轉look服務，只要喺商場消費滿300蚊或以上，有機會喺指定日期享受POPEIGHT星級髮型師Wilson Wong或Jair Tsou即場提供專業指導及髮型服務㗎啦！

另外，聽公關講，商場仲會有「潮‧型」攝影區，大家可以揀完造型再同朋友去影相，影完相再upload有機會得到免費精品㗎！