登記做賣旗日義工 支持海洋保育

舉辦賣旗日都花心思！香港海洋公園保育基金（保育基金），準備緊7月2日嘅九龍區賣旗日，特別將用60款亞洲區野生動物珍貴相做旗紙，聽講入面包括全球野外僅餘少過300隻嘅靛冠噪鶥、藍血「活化石」馬蹄蟹、中華白海豚等受危物種，希望喚起大眾對生物多樣性同海洋保育嘅關注。

設計有紀念價值嘅旗紙之外，保育基金依家仲招募緊3,000名義工，喺賣旗日幫忙籌善款，用嚟支持香港鯨豚擱淺跟進工作、本地物種科研項目及社區教育工作。保育基金姊妹話，6月28日前大家都可以上網（http://volunteer.oceanpark.com.hk/）登記做義工，為野生動物保育出一分力。

為咗多謝義工參與，聽講每位賣旗日義工除咗有電子證書一張，仲會得到保育基金「基金之友」免費會籍一年，同埋海洋公園日間入場門票買一送一優惠券一張𠻹！