馬會資助足球學員 去英國曼聯受訓

收到公關姊妹消息，第三屆「賽馬會青少年足球領袖計劃」周末舉行結業禮，六位優秀學員獲得資助下個月去英國曼徹斯特，進行為期一星期嘅社區服務同交流活動，包括參與曼聯舉辦社區足球活動等。

今次獲選去英國六名優秀學員中都有兩位女將，數目是往年之冠。讀緊中四嘅張盈柵話，踢足球講求團隊合作，滿足感與其他個人的運動不同。而讀中二嘅陳嘉慧講起，家人見她成績愈來愈進步，放心她參與足球。

姊妹話，呢個馬會倡導同資助嘅青少年足球領袖計劃，係同曼聯、東華三院合作，從全港各區招募45名年齡介乎15至19歲嘅青少年，透過為期三個月足球教練訓練、品格發展工作坊、社區服務等，培育佢哋日後成為社區領袖。