古天樂首為月餅代言

每年中秋節前一段時間，各大品牌陸續出招，月餅餡料各適其適，務求時時有驚喜。除咗月餅有surprise，今年零食物語就同新品牌「原品」合作，品牌第一擊推出悅原月餅，仲搵埋型男古天樂做代言，個個都話有新意！公關老友話，古天樂破天荒做代言之餘，仲變身設計指導，設計月餅禮盒。古仔諗到用黑色做主題，代表月餅黑芝麻味；加上銅色代表月餅奶黃味；最後橙色就代表港人最愛嘅原粒蛋黃；等大家見到個包裝已經想食！

聽講古仔仲應承，如果大家鍾意，下年佢唔止設計月餅包裝，仲會諗下有咩最新口味，keep住大家新鮮感咁話！