來，站出來吧！

話口未完，雙曾就分別宣布不排除參選特首。一個講明在兩個「如果」下，會認真考慮；另一個卻道因為愛香港，明知「衰工」一份也只好試試。

兩位都頗有「我不入地獄，誰入地獄」的意味。嗯，事實上，又的確幾地獄。

姚鈴想，擺明車馬也好，反正你不明言，坊間都當你有此意，某男亦大概早已為此謀算，睇下幾時出手整鬼你，雙曾宜好自為之。而且早些告訴香港人，三月未必無驚喜，也是件好事，要香港人接受情況會再持續多五年，真的叫人好氣餒，難保選民不會把心一橫，九月選舉盡選騎呢港版特朗普之流。有人說，要重生，先要瘋狂兼滅亡，但這代價誰願付？

真的，對蟻民來說，雙曾又好，林鄭又好，最緊要是獲得大眾的廣泛接受，而且要識打民意戰，維持自己的高企民望，因為失去所謂「民意」支持，反對派、拉布派、大聲夾惡派，以至幼稚自決派將失去囂張跋扈、蠻不講理的藉口。

最最討厭那班人口口聲聲說代表香港市民，喂，你真係唔代表我囉，香港人會天真到相信港獨可行嗎？香港人有授權你用磚頭砸警察嗎？

還有，麻煩西環千祈咪亂來，你們不幫倒忙，便是香港之福。

（本欄逢周二、四刊登）